Аввал хабар қилганимиздек, Туркистондаги ҳимматли ин­сонлар билан кам таъ­мин­лан­­ган, эҳтиёжманд оила­лар ўртасида олтин кўприк во­ситасини виждонан адо этаётган шаҳар ўзбек эт­­­номаданият бирлашмаси раиси ўринбосари Райимжон Қўчқоров яна бир янги уйни соҳибларига топшириш маро­симини яқин ҳамкорлари ҳамда маданият маркази фаоллари билан бирга ўтказди. 

Шаҳарнинг Тўғон кўчасидаги янги уй соҳибаси, кўп фарзандли она ўз ҳаяжони, қувончи, миннат­дорчилигини яшираолмай, дил изҳорини етказди. Шу куни вилоят ўзбек этномаданият бирлашмаси фаоллари ҳам ушбу ибратли тадбир шоҳиди бўлдилар. Улар бундай эзгу иш вилоятимизнинг бошқа ҳудудларида ҳам йўлга қўйилса нур устига нур бў­ларди, деб, ниятларини из­ҳор этдилар. 

Янги уй топширилиши шарафига ёзилган дас­турхон устида Қуръони ка­рим оятлари ўқилиб, шу хонадон фарзандлари ҳам ҳамиша яхшилик, мурувват, ёрдам каби неъматларни қадрлайдиган фуқаролар бўлишига ният билдиришди. Яхши ниятлар албатта, ижобат бўлгай! 

Суратларда: Р. Қўчқоров меҳмонлар даврасида; янги уйнинг умумий кўриниши.