Туркистонда буюк файласуф, ислом пешвоси, сўфий шоир Хожа Аҳмад Яссавий ҳақидаги “Яссавий йўли” тарихий драмасининг премьераси ўтди. Спектакль “Қозоқ тили – илм тили: анъана ва янгилик” симпозиуми доирасида Аҳмад Ясавий номли ХҚТУнинг 3-босқич талабалари томонидан саҳналаштирилди.

Таниқли театр режиссёри, Қозоғистонда хизмат кўрсатган арбоб, профессор Асхат Маемиров спектаклдан сўнг ёш ижодкорларга эзгу ниятларини билдириб, муваффақиятлар тилади. 

Асарда Яссавийнинг ёшлик даври, унинг жаҳолатга қарши кураши ва машаққатли ҳаёти акс эттирилган. Драмада буюк мутафаккир, тарихий шахс, ислом оламини нафақат араб, балки туркий тилларда ҳам ўрганиш мумкинлигини исботлаган, ўз сабоқларини ўргатган, минглаб шогирдлар тарбиялаган устоз образи тасвирланган.

Спектаклнинг сўнгги саҳнасида Аҳмад Яссавий “Муқаддас Ясси замини келажакда таълим ва фан, маданият ва санъатнинг маънавий марказига айланади. Мен бунга ишонаман!» дейди. 

Спектакл сўнгида ёш актёрларга Қозоғистон Республикаси Фан ва олий таълим вазири Саясат Нурбек номидан совғалар топширилди. Томошабинлар кўзларига ёш олиб, аждодлар руҳига яна бир бор ҳурмат бажо келтирган спектаклга  юксак баҳо беришди.