Қарноқ қадимдан Ўрта Осиёдаги илм-фан ва маърифат марказидир. Тарихимизга назар солсак, ўтган асрлардаги буюк алломаларимиз дастлаб мадрасаларда таълим олишган. Қарноқда 4та мадраса фаолият юритган. Уларда қозоқ даштининг ёруғ юлдузлари, ислом маданиятининг буюк арбоблари ҳам таълим олишган. ХХ аср бошларидан Шўро давригача Қарноқда Халфа мадрасаси, Шомуҳаммад эшон мадрасаси, мулло Ҳошир мадрасаси, Абулхайр қози мадрасаси мавжуд бўлган. (Мухтар Ауезовнинг боболари), Шўртанбой Қанай ўғли, Мулло Мусо, Шоди Тўра каби машҳур инсонлар ҳам Қарноқ қишлоғида таълим олган. Бундан ташқари, интернент саҳифаларида ҳам жуда кўп таниқли инсонлар Қарноқ қишлоғида таълим олгани ҳақида маълумотлар учрайди. 

Қарноқ қишлоғи нафақат Шўро давридаги балки бугунги кунда ҳам илм маърифатли, фидойи фарзандлари билан маълум ва машҳурдир. Таниқли ёзувчилар, олиму академиклар, фан номзодлари, илм фаннинг турли соҳаларида танилган инсонлар ўтмишда ҳам, бугунги кунда ҳам Қарноқ қишлоғининг ғурури ва фахридир.

Юқоридаги далилларга асосланиб айтсак, Қарноқ қишлоғи ўтмишда ҳам, бугунги кунда ҳам илм ва маърифат билан танилган замин. Қишлоқнинг шонли тарихида ўз ўрнига эга бўлган уламолари, қорилари, кейинги даврдаги маърифатчи зиёлилари ҳаёти ва фаолиятини ўрганиш, кейинги авлодга тарғиб қилиш бугунги куннинг долзарб вазифаларидандир. Биз, Қарноқ қишлоғи фаоллари мана шу улкан бурч ва маъсулиятни англаган ҳолда қишлоқда “Қарноқ азалдан билим ва маърифат маркази” мавзуида тадбирлар ва илмий конференция ўтказишни режалаштираяпмиз. Сиз азиз муштарийлардан илтимосимиз, Қарноқ қишлоғининг зиёли фарзандлари, мадрасаларда ўқиган инсонлар ҳақида маълумотлар, мақолалар бўлса, қуйидаги электрон почта ва телефон орқали хабарлашишингизни сўранамиз:

Электрон почта: karnak2000@mail.ru

Телефонлар: +7 702 744 91 00, +7 777 698 97 53.