Туркистон вилоятининг 2021-2025 йилларга мўлжалланган тараққиёт режаси 128та кўрсаткични қамраган бўлиб, улардан 121таси 2022 йилга мўлжалланган эди. 2022 йил якунларига кўра, 74 (61,2%)та кўрсаткич бажарилган.

Вилоят ҳокими Дархан Сатибалди раислигида ўтган йиғилишда ушбу масала муҳокама қилинди. Вилоят раҳбари кўрсаткичлар сифатли бажарилиши зарурлигини таъкидлаб, натижага эришолмаган бошқарма, туман ва шаҳар раҳбарларига ишни жадаллатишни топширди.

– Ҳудудларни ривожлантириш режасини амалга ошириш ўта муҳим масала. Бунда ҳар бир туман ва шаҳарнинг хусусиятларини ҳам ҳисобга олиш керак. Кўрсаткичларни туманларнинг ўзига хос хусусиятларини инобатга олган ҳолда белгиланиши керак. Ушбу жиҳатни тизимлаштиринг. Бўлим раҳбарлари ҳамда туман, шаҳар ҳокимлари тасдиқланган кўрсаткичларнинг сифатли ижросини таъминласин. Барча кўрсаткичлар бажарилиши керак. Иқтисодий ва бюджетни режалаштириш бошқармаси ҳар ойда кўрсаткичлар устидан назорат олиб бориши лозим. Тегишли масъул муассасалар ҳар ойнинг 13-санасидан кечиктирмай режанинг ижросига доир маълумот тақдим этиши даркор. Йилда такрорланадиган камчиликлар бартараф этилиши керак, – деди Дархан Сатибалди.

Вилоят ҳокими минтақани ривожлантириш режасини тизимли равишда амалга ошириш юзасидан аниқ топшириқлар берди.