Туркистон шаҳрида 32та 7 қаватли уй-жой қурилиши ниҳоясига етмоқда. Кенг кўламли ишларга маҳаллий ва бошқа вилоятлардан 13 пудратчи компания жалб этилди. 11 гектардан зиёд майдонда жойлашган кўп қаватли уй-жой биноларининг умумий майдони 20 минг квадрат метрдан ошади. Умумий қиймати 25,7 млрд. тенге. Қурилиш майдонларида ободонлаштириш ишлари олиб борилмоқда. Туркистон вилояти ҳокими Дархан Сатибалди вилоят марказидаги қурилиш иншоотларида бўлиб, пудратчилар билан учрашди. 

Ишларнинг боришини назорат қилиб, масъул раҳбарларга аниқ топшириқлар берди. Қурилиш сифатига эътибор қаратиб, кўп қаватли уй-жой биноларининг сейсмик хавфсизлигини таъминлашга эътибор қаратишни топширди. Асосийси, қурилиш ишлари белгиланган жадвал асосида якунланиши керак. Акс ҳолда, масъул компанияларга нисбатан чора кўрилади.

– Вилоят марказида барпо этилаётган барча уй-жой бинолари ўзининг ташқи қиёфаси билан ажралиб туриши, энг муҳими, сифатли бўлиши керак. Талабга риоя қилмаганларга нисбатан чора кўрилади. Вилоятда қурилиш суръатлари пасаймайди, – деди Дархан Сатибалди.