Қозоғистон Президенти Қасим-Жўмарт Тўқаев Парламентнинг VIII чақириқ биринчи сессиясини очиб, депутатларнинг галдаги фаолиятига муваффақиятлар тилади.

– Барча депутатларнинг ягона вазифаси – ҳар куни олдинги сафда бўлиш, қарорлар қабул қилиш ва улар учун халқ олдида 

масъулиятни ўз зиммасига олиш. Фуқаролар манфаатларини самарали ҳимоя қилиш, мамлакатнинг долзарб муаммоларини ҳал этишга кўмаклашиш учун улар билан алоқанинг самарали дастакларини шакллантириш зарур.

Фуқаролар турмуш даражасини ошириш, миллатнинг янги сифатини шакллантириш ва кўп асрлик давлатчилигимизни мустаҳкамлаш асосий устувор вазифаларимиз бўлиб қолмоқда. Шундан келиб чиққан ҳолда, бугун мен сизларга парламентнинг галдаги фаолиятига муваффақиятлар тилайман, – деди Қозоғистон Президенти депутатлар олдида.

Авваламбор, тадбиркорлик фаоллигини рағбатлантириш керак. Бунинг учун, биринчи навбатда, адолатли, барқарор ва шаффоф солиқ тизимини шакллантириш зарурлигини таъкидлади Қасим-Жўмарт Тўқаев.

– Солиқ сиёсатининг янги шакли миллий бойликнинг мақбул тақсимланишини, иқтисодий фаолликнинг юксак даражаси ва иқтисодиётнинг устувор тармоқларини манзилли қўллаб-қувватлашни таъминлаши керак. Солиқ кодекси ва солиқ сиёсати аниқ ва барқарор бўлиши керак. Ушбу амалиёт узоқ йиллардан буён жаҳонда ўзини муваффақиятли намоён этиб келмоқда. Ва бу адолатли қадам бўлади.

Мамлакатдаги вазият кескин ўзгарди. Янги Қозоғистон шиор эмас, балки амалдаги ишлар билан тасдиқланиши керак. Олдинда қилинадиган ишлар кўп, барчамиз биргаликдаги саъй-ҳаракатларимиз билан унинг ижросини таъминлашимиз керак, деди Қ. Тўқаев.