ҚР Транспорт вазири Марат Қарабаев Туркистон вилоятига хизмат сафари доирасида ташриф буюриб, минтақа аҳолиси билан учрашди ва фуқароларни шахсий масалалар бўйича қабул қилди. 

Учрашувда вилоят ҳокимининг биринчи ўринбосари Зулпихар Жўлдасов ҳамда минтақанинг соҳага масъул вакиллари иштирок этди.

Транспорт вазирлиги раҳбари ва туркистонликлар вилоят аҳолиси олдида турган муҳим масалаларни муҳокама қилишди.

Учрашув иштирокчилари Туркистон вилояти аҳолисига кўрсатилаётган транспорт хизматига боғлиқ масалаларни илгари суришди. Масалан, тўловли йўллар орқали юриш тарифларининг миқдорига оид масала кўтарилди. 

Вазир Қозоғистонда тўловли йўллар тарифи энг паст эканлигини айтди. Маҳаллий аҳоли учун ставкаларни янада камайтириш имконияти ҳақида савол қўйишди. Вазир тўловли йўл жаҳонда кенг тарқалганлигига эътибор қаратиб, Қозоғистон Хитойдан Европага ҳамда яна ортга қараб юк ташиш учун транзит ҳудуд бўлгани боис, республика Ҳукумати давлат даромадларини ошириш мақсадида транзит салоҳиятидан фойдаланишга йўналтирилган сиёсат юритаётганини таъкидлади.

Иккинчидан, бу йўллардан кўп юк ташилмоқда. Бу давлат бюджети ҳисобидан қуриладиган ҳамда таъмирланадиган йўлларни тез ишдан чиқаради, шунинг учун бу жорий ва келгуси харажатларни қоплашга мўлжалланган тўловлар экани айтилди.

Кун тартибида муҳокама қилинган бошқа масалалар юзасидан вазир тушунча бериб, баъзи мурожаатларни ўз назоратига олди.