Шу мақсадда Жанубий Кореянинг етакчи дорилфунунларидан бири бўлган «Woosong» университети раҳбарияти билан музокаралар ўтди. Минтақа раҳбари Дархан Сатибалди университет қошидаги халқаро мактабнинг ижроия декани Ли Ю Тек билан IT мутахассислари тайёрлайдиган халқаро университет очиш масаласини муҳокама қилди.

 Халқаро олий ўқув юртининг илмий маркази Теззонг шаҳрида жойлашган бўлиб, 70 йиллик тарихга эга. Бу ерда 16 мингдан зиёд талаба таҳсил олади. Улар орасида 85 мамлакат вакиллари бор. Кафедра ходимлари 1 минг кишидан ошади. Университет талабалари кундузги ва сиртқи бўлимларда ўқитилади. Дорилфунунда 40 нафардан зиёд қозоғистонлик ёшлар таҳсил олмоқда.

– Туркистон вилоятида мутахассислар тайёрлашга устувор аҳамият қаратилмоқда. Асосий йўналишлардан бири вилоятда ўқув муассасаларини кўпайтиришдир. Қишлоқ хўжалиги ва техник соҳалари устувор аҳамият қаратилади. Бугунги кунда минтақада иккита халқаро университети мавжуд. Уларда 12 мингга яқин талаба таҳсил олмоқда. Техник соҳада Жанубий Корея юксак салоҳиятга эга. Шунинг учун биз ўзимизда бундай ўқув муассасасини очмоқчимиз, – деди вилоят ҳокими Дархан Сатибалди.