Давлат хизматчилари меҳ­на­тига ҳақ тўлаш­нинг янги услуби “қалдирғоч” лойиҳа сифа­тида кучга кириб, дастлабки натижалар кўзга ташлана бошлади.

– Йил бошидан буён агентликнинг ҳудудий депар­таментларидаги 85та бўш лавозимга жойлашиш учун 510та ариза берилган. Ўрта ҳисобда бир лавозимга 6 номзод тўғри келади. Ўтган йили 2 номзоддан тўғри келган: 446та бўш ўринга 804та ариза тушганди, – деб хабар беради Қозоғистон Республикаси Давлат хизмати ишлари ва уюшган жиноятчиликка қарши ҳаракатлар агент­ли­гининг раиси Алик Шпекбаев.

Агентлик раҳбарининг таъкидлашича, бу вазиятда фактор-балл шаклида ижро бўғинининг маошини икки баравар ошириш катта аҳамият касб этади.

Жанубий Қозоғистон вилоятида бу кўрсаткич ўтган йилга нисбатан 3 бараварга ортди. 7та бўш ўринга 138 номзод ариза берган, яъни, бир ўринга 19 номзоддан тўғри келади. 

Миллат режасининг 5 ва 6-қадамини амалга ошириш доирасида янги ус­луб” қалдирғоч” лойиҳа сифатида 2018 йилнинг январь ойидан Астана шаҳ­ри ҳокимлиги, Манғистов вилояти ҳо­кимлиги, Адлия вазирлиги ва Давлат хизмати ишлари ва уюшган жино­ятчи­ликка қарши ҳаракатлар агентлигида амалга оширилмоқда.

Янги тизимнинг асосий ўзгачалиги – хизматчига юкланган вазифа ва унинг натижасининг эътиборга олинишида.

Давлат хизматчисининг маоши икки қисмдан иборат бўлади: фактор-балл шкаласи асосидаги кафолатли лаво­зим маоши ва бонус тўловлар.

Фактор-балл шкаласи давлат таш­килотларининг жози­бадорлиги ва имижини оширибгина қолмай, меҳнат ҳақи тўлашда адолат мезонларини таъминлайди ҳамда ҳудуд­лар ва марказдаги давлат хизматчилари меҳнатига ҳақ тўлашдаги номутаносибликларни бартараф этади.

Фактор-балл шкаласини татбиқ этиш­­­­­­­­­­­­­­­­­­­­­дан асосий мақсад – иш ҳақи тў­лаш­да бирхилликдан воз кечиш ва хиз­матчи­ларни моддий рағбат­лан­тириш­нинг самарали механизмини шакл­лан­тиришдан иборат.

– Бизнинг компания учун фактор-балл шкаласи – режа­лаш, назорат қилиш ва хизматчиларни рағбатлантириш функ­цияларини бирлаштирадиган бошқарув қуролларининг энг самарадор­ларидан бири ҳисобланади. Бу тизимни ноқулай деб ҳисоблаган ходимлар ҳозирги кунда тизим афзалликларини тушуниб, олаётган маошларидан кўнгли тўлмоқда, – дейди янги шкалани икки йил муқаддам қўл­ланишни бошлаган “Karlskrona LC AB” МЧБ бош директори.

ФБШ хизматчиларнинг ташкилот мақсадларига эри­шишда жавобгарликни бўлишишига ва ходимнинг ишда фаол бўлишига таъсир кўрсатади.

– Янги тизим хизматчиларнинг биринчи раҳбар билан яқин алоқа ўрнатишини эмас, балки компания олдида турган аниқ мақсадларга эришишда бирлашишни кўзлайди. Бизнинг компанияга шу керак эди. Тизим жуда самарали, – деди компания бош директори.

Давлат идораларида янги тизим оқилона татбиқ этилса, у меритократия тизимини янада ривожлантиришга, дав­лат идораларидаги хизмат аҳво­лини яхшилашга ва малакали мута­хассис­ларнинг келишига ижобий таъсир этади.

“Қалдирғоч” лойиҳа тугаллангач, республика ҳудудида татбиқ этиш муд­дати бўйича қарор қабул қилинади.