Туркистон вилоятида сармояларни жалб қилиш ва ишлаб чиқариш қувватларини оширишга устувор аҳамият қаратилмоқда. Вилоят ҳокими Дархан Сатибалди Ўрдабоши туманига хизмат сафари чоғида ушбу соҳадаги ташаббусларни яна бир бор пухталади. Хусусан, туманда иккита ишлаб чиқариш ҳудуди ташкил этилиб, «Бадам» индустриявий минтақаси 50 гектарга кенгаяди.

Минтақа раҳбари дастлаб, Шубар қишлоғида ишлаб чиқариш ҳудудини ташкил этиш учун мўлжалланган 60 гектар ернинг лойиҳаси билан танишиб, инфратузилма ва ташкилий ишларни сифатли юритиш муҳимлигини таъкидлади.

– Барча туман, шаҳарда индустриявий минтақалардан самарали фойдаланиш, янги ишлаб чиқариш ҳудудини очиш муҳим аҳамиятга эга. Ушбу йўналишдаги тадбирларни кучайтиришни топшираман. Ишлаб чиқариш иншоотлари ва корхоналарни ташкил этиш бўйича фаол ишлар юритилсин. Сармоядорлар жалб қилинсин. Ўз навбатида, биз сармоявий лойиҳаларни амалга ошираётган тадбиркорларни қўллаб-қувватлаймиз. Мегалополис яқинида жойлашган Ўрдабоши туманининг салоҳияти жуда юксак, – деди Дархан Сатибалди.

Вилоят ҳокими Ақбулақ қишлоғидаги «Бадам» индустриал минтақасига ҳам бориб, унинг майдонини 50 гектарга кенгайтириш лойиҳаси билан танишди. Агар ушбу лойиҳалар амалга оширилса, вилоятимизда корхоналар ва иш ўринлари кўпаяди.