Шимкент шаҳрининг республика мақомини олиши ва Туркистон вилоятининг тузилиши муносабати билан йил сўнгигача “Туркистон – Бодом” ва “Туркистон – Сариоғоч” янги те­­­­­­­­­­­­­мир­­­­­­­­­­­­­­­­­­­йўл йўналиши ишга туширилади. Буни минтақавий коммуникациялар хизматида ўт­­­­­­­­­­­­­­­ган брифингда йўловчилар транспорти ва автомобиль йўллари бошқармасининг раҳбари Нурлан Байғут маълум қилди. 

Унинг таъкидлашича, вилоятда 2018 йилнинг 6 ойида 577,6 млн. йўловчи ташилган. Бу кўр­саткич ўтган йилнинг тегишли даврига нис­батан 1,6 фоизга юқори. 

– Туркистон вилоятида 44та йўловчи та­шувчи корхона 1283та автобус билан аҳо­ли­га хизмат кўрсатган. Вилоятдаги дои­­­­мий йўналишлар тизими 320 йўналишдаги 1081та ҳаракат жадвалидан иборат. Шимкент шаҳ­рининг республика мақомига эга бўлиши му­носабати билан вилоятдаги туман­­­лараро 115та йўналишнинг 91таси вилоятлараро бўлиб ўзгаради. Вилоятлараро 39та йўналишнинг 13тасининг бошланғич бекати Шимкент шаҳри бўлганлиги сабабли, улар Шимкент шаҳар ҳоким­лиги тасарруфига берилди. Бундан ташқари, Шимкент шаҳридаги 26та йўловчи ташувчи кор­хона, 82та йўналиш, 1744та ав­тобус, 1261та ҳаракат йўналиши Шимкент шаҳар ҳокимлиги ихтиёрига ўтади, – деди бошқарма раҳбари.

Таъкидлаш жоиз, бошқарма тасарруфидаги туман­лараро, вилоятлараро доимий йўна­лиш­лар­га хизмат кўрсатадиган жамоат транс­порт­лари GPS тизими билан таъмин­ланган. Туркистон шаҳри вилоят марказига ай­ланиши муносабати билан янги йўналишларга эътибор кучайди.

– Туман марказидан Чордара, Жетисай, Сари­оғоч, Ленгер шаҳарларидан, Темирлан, Ақсукент, Шаян аҳоли манзилларидан Туркистонга тўғри­дан-тўғри йўналиш очиш бўйича ишлар олиб борилмоқда, – деди бошқарма раҳбари.

Транспорт соҳасини рақамлаштириш бугунги кундаги долзарб масалалардан бири. Шаҳардаги йўналишларга электрон чипта тизимини 2018 йилнинг охиригача жорий этиш режаланмоқда. 

Қалдирғоч лойиҳа сифатида Туркистон шаҳ­­­­­­­­­­­­­­ридаги бир йўналишга электрон чипта тизи­­­­­­­­­­­­­­­­­­­­­­­­­­­­­­­­­­­­­мини 2018 йилнинг учинчи чорагигача тест­­­­лаштириш кўзда тутилган.