ҚР Қишлоқ хўжалиги вазирлиги қишлоқ хўжалик ишлаб чиқарувчилари учун субсидия турларини қисқартиришни режалаштирмоқда. Бу ҳақда Kazpravda.kz сайти маълум қилди. Бугунги кунда мавжуд 54 та субсидия туридан йил охиригача 34таси қолади.

Давлат қўллови самарадорлигини ошириш доирасида фойдасиз субсидиялар қисқартирилмоқда, жумладан, деҳқончилик, чорвачиликка оид баъзи бир субсидиялар қисқартирилади. Бу ҳақда ҚР Ҳукумати мажлисида Қишлоқ хўжалиги вазири ўринбосари Арман Евниев маълумот берди.

Унинг айтишича, қолганлари имкон қадар соддалаштирилиб, йил охиригача тўлиқ автоматлаштирилади.

Шунингдек, у насиялар бўйича кафолатлаш тизими такомиллаштирилишини таъкидлади. 

– Қишлоқ хўжалигининг устувор йўналишлари билан шуғулланадиган ва гаровга қўядиган мулки йўқ кичик ва ўрта бизнес вакиллари 2019 йилдан бошлаб насия миқдорининг 30 фоизигача кафолат олишлари мумкин. Тегишли қоидалар қабул қилинди – деди у.

Бундан ташқари, у қишлоқ хўжалигида суғурта тизимини ва насия биродарликларини такомиллаштириш ишлари олиб борилаётганини, шунингдек, янги молиявий дастак – аграр тилхат жорий этилаётганини ҳам айтиб ўтди.