Туркистон вилояти “Дип­­­лом билан – қишлоққа” дас­турини амалга оширишда пешқадам. Ўтган йили мин­тақада 700 нафарга яқин ёш мутахассис қишлоқ жой­ларига бориб, ишга жой­лашган. Жорий йили фао­лият бошлаган 863 нафар мутахассисдан 314 нафари бошпанали бўлди. 

Кентов шаҳрида ҳам мазкур лойиҳа бўйича  ишга жойлашиб, турмуш шароитини яхшилаб олган ёшлар оз эмас. Бу ердаги “Ёшлар имконият маркази” ҳам ёшларга тўғри йўналиш кўрсатиб келмоқда. Чунончи, Ба­­­­­йилдир қишлоғидаги клуб мудираси Гулнур Дуйсенбиева қишлоқ болаларига саҳна ма­данияти ва сир-асрорларини ўргатмоқда.

Ёш мутахассис – Ўтрор ту­­­­­­манида туғилган. Тур­кистон­даги Хожа Ахмад Яссавий но­мидаги Халқаро қозоқ-турк университетини актёрлик санъа­­­­­­­ти ихтисоси бўйича та­мом­лаган. Турмуш ўртоғи “Дип­лом билан – қишлоққа” дастури асосида шу ерга келиб, ишга жойлашибди. Икки фарзанднинг онаси ўз ишидан мамнун. 

2019 йил – Ёшлар йили деб эълон қилинганлиги боис, минтақамизда ёшларни иш билан таъминлаб, уларнинг сифатли таълим олишларига йўналтирилган мажмуавий иш режаси тасдиқланди.

Мухтасар қилиб айтганда, Туркистон вилоятида беш юз минг нафардан зиёд йигит-қиз бор. Бу вилоят аҳолисининг 26 фоизини ташкил этади. Яна шуни таъкидлаш жоизки, “Сер­пин-2050” лойиҳаси доира­сида 1589 нафар йигит-қиз шимолий вилоятларда таълим олмоқда.