Қозоғистон Республикаси Президенти Нурсултан Назарбаев телекўприк орқали Туркистон шаҳридаги туя сутини қайта ишлайдиган “GOLDEN CAMEL GROUP LTD” заводини тантанали равишда ишга туширди. 

Корхонанинг очилиш маросимида Туркистон вилояти ҳокими Жансейит Туймебаев ва завод директори Янг Жи қатнашдилар. 

– Бизнинг корхона туя ва бия сутини кукун­­­­­­га айлантириб чиқарадиган ягона лойиҳа. Маҳ­сулотнинг 90 фоизи хо­рижга экспорт қилинади. У Туркистон, Қизилўрда, Жамбил ви­лоятларида мол бошини кў­пайтириб, туячиликнинг ривож­ланишига ижобий таъсир кўр­сатади. Бизнинг лойиҳа Қозо­ғистон ва Хитой ўртасидаги ўзаро ҳамкорликнинг мевасидир. Қадрли Элбоши, сармоядорларга кўрсатган қўлловингиз учун Сизга миннатдорчилик билдириб, қўш заводимизнинг экспортга йўналтирилган маҳсулотларини жўна­тишга рухсат беринг, – деди Янг Жи.

Мазкур лойиҳа Хитой Халқ Республикаси ва Қозоғистон Республикаси ўртасидаги ҳам­корлик меморандуми негизида амалга ошди. У 2015-2019 йилларга мўлжалланган Ин­дустриявий-инновациявий ри­вожланиш дастури доирасида ишга тушириш режаланган 51та лойиҳадан бири. 10 гектар ҳудудни эгаллаган корхона йилига 2500 тонна туя сутини қайта ишлаш имкониятига эга. Лойиҳанинг умумий қиймати 7,45 млрд. тенгени ташкил қилади. Заводда 85 киши иш билан таъмин­­ланган.

Таъкидлаш жоизки, бу ерда туя сутидан қанд касаллигига чалинганлар учун хапдори, пардоз воситалари, турли тамли йогуртлар, қуруқ хапдорилар ишлаб чиқарилади.