Туркистон вилояти иқтисодиётнинг асоси бўлган қишлоқ хўжалигида ўтган йили етиштирилган маҳсулот ҳажми 544, 3 млрд. тенгени ташкил этиб, 2017 йилга қиёсан 5,3 фоиз ортган.

Шу жумладан, гўшт  етиштириш – 4,8 фоизга, сут – 2,8 фоиз, тухум – 8,1 фоизга ортган. Ўтган йили 9600 тонна гўшт Ўзбекистон, Россия, Эрон, БАА давлатларига экспорт қилиниб, республикадаги улуш 54 фоизга етиб, 1 ўринни  эгаллади. Шу билан бирга, экинчиликда ўт­ган йили 286,3 млрд. тенгелик маҳ­сулот қайта ишланиб, 2017 йилга қиё­сан 6,5 фоизга ортган. 2018 йили қиш­лоқ хўжалиги экинлари 807, 4 минг га. майдонга экилди, яъни 2017 йил­гидан 9 минг гектарга кўпайган.

2018 йили деҳқонларнинг зал­вор­ли меҳнати туфайли бошоқли экинларнинг ҳар гектаридан 17,8 центнердан жами 405 минг тонна маҳсулот олинган. Пахтанинг ҳар гек­таридан 25,7 центнердан, жами 340,7 минг тонна ҳосил олинган. Сабзавот, картошка, полиз экинларидан 2,9 млн. тонна маҳсулот етиштирилиб, рекорд кўрсаткичга эришилди.

Шунингдек, интенсив боғлар май­дони 2800 гектарга етказилиб, рес­публикадаги меванинг 40 фоизи, узумнинг 73 фоизи Туркистон ви­ло­ятида терилди.