Туркистон вилояти ҳокими Ўмирзақ Шў­кеев “ВI group” хол­динги директорлар кен­­­га­­­­шининг раиси Ай­дин Ра­­­химбаев билан учрашди. Му­лоқот чоғида ком­пания ва­кил­лари Тур­кистон шаҳрида қу­ри­лишнинг бориши ҳа­­қида ахборот бер­дилар.

– Бугунги кунда “ВI group” хол­динги Тур­кистон шаҳрида 5та иншоотнинг қури­ли­шини олиб бормоқда. Булар: ви­лоят ҳо­ким­лиги бошқармалар ва депар­та­мент­ларнинг бинолари, мар­казий стадион, Медиамарказ, “Астана” майдони, “Буюк Дашт эли” маркази. Вилоят ҳокимилиги би­но­­сини жорий йилда битказишни ре­жа­ла­моқдамиз, бошқармалар ва депар­таментларнинг имо­ратларини 2020 йил март ойида фойдаланишга топширамиз. Стадион, Медиа­марказ, “Астана” майдони ва “Буюк Дашт эли” маркази қурилиш иш­лари жадвал бўйича бормоқда, – деди Айдин Жумадилули.

Шунингдек, компания вакил­лари Туркистон шаҳрида қад кўтарадиган кўп қаватли уй­лар олдидаги майдон­ларга мўл­жал­ланган “Smart city” ка­би ақл­ли шаҳар лойиҳаларини та­ниш­тир­дилар. Унда ҳар бир квар­тирани иситиш, ёритиш, ҳаво тоза­ли­гини назорат қи­либ туришнинг рақамли технологиялари кўзда тутилган.

Вилоят марказидаги қурилиш иш­ларининг боришидан ха­бардор бўлган минтақа раҳбари қатор топши­риқлар берди.

– Туркистонда қурилиш иш­ларини юри­тувчи компаниялар фақат фой­данигина ўйламай, элга савоб иш­лар­ни ҳам ёдда ту­тиши лозим. Му­қад­дас шаҳарни ривож­лан­ти­ришга ҳисса қўшишнинг ўзи эз­гуликдир. Асо­сийси, янги маъмурий марказда қад кўта­ра­диган бинолар вақтида бит­ка­зилиши ке­рак. Ташқи қиёфаси ва ички тузилиши замон талабига мувофиқ бў­лиши лозим. Ақл­ли ша­ҳар ло­йиҳасини келгусида йўлга қў­йиб, ҳамкорликда ишлаймиз. 

Шу билан бирга тегишли бошқармалар раҳбарларига инфратузилма маса­ласини ўз вақтида ҳал этишни топ­шираман. Уй-жойларни қу­риш­да ило­жи борича аҳолига қу­лай­ликларни на­зарда тутишимиз  ке­рак, – деди Ўмирзақ Шўкеев.