Вилоят ҳокими Ж. Туймебаев Хитой давлат делегацияси билан учрашди.

Учрашувда хитойлик “Шанхай констракшн” компаниясининг вакиллари минтақа раҳбарига “Шимкент сити” шаҳарчаси атрофида барпо этиладиган уй-жой мажмуасининг лойиҳасини таништирди. Таъкидлаш жоизки, мазкур композициянинг марказида 57 қаватдан иборат бўлган иккита кўпқаватли осмонўпар бино қурилиши кўзланмоқда. “Шанхай – Тауэр” ҳамда "Шимкент – Тауэр“ деб номланадиган бу осмонўпар бинолар икки шаҳарнинг дўстлик рамзи сифатида қад ростлайди. Лойиҳанинг умумий майдони 300 минг кв. метрдан ортиқ. 

Хитойлик сармоядорларнинг айтишича, мазкур уй-жой мажмуасини қуриш ғояси шарқ ва ғарб савдогарларининг қадимий савдо йўли бўлмиш Буюк Ипак йўли тарихига асосланган. Унинг бўйидаги шаҳарлардан бири ҳозирги Шимкент. Уй-жой мажмуасида Буюк Ипак йўлидаги кўҳна шаҳарлар – Ўтрор, Саврон, Сиғноқ, Сайрам, Сўзоқ номи билан аталадиган қадимий мавзелар барпо этилади.

Тадбиркорлар билан бўлган учрашувда вилоят ҳокими минтақамизнинг шу кунга қадар эришган ютуқлари ва сармоявий имкониятларни, айниқса, минтақада ўзимизнинг ва хорижлик сармоядорлар учун қулай шароитлар яратилганини айтиб ўтди. Будан ташқари, ҳокимлик мазкур лойиҳани қўллаб-қувватлашини ҳамда уни амалга ошириш учун ҳар томонлама қўллов кўрсатишини маълум қилди.

Шунингдек, “Шанхай констракшн” компанияси Хитойдаги энг пешқадам қурилишлардан бири бўлиб, 60 йилдан ортиқ тажрибага эга ташкилотдир. Бу компания қурилишдан ташқари, иншоотларни фойдаланишга топшириш ва уларнинг дизайни, шунингдек, консалтинг хизмати билан ҳам шуғулланади.