Туркистон вилоятида СOVID-19 вируси ва иллатнинг олдини олиш мақсадида дезинфекциялаш ишларини юритиш бўйича ўқув машғулотлари олиб борилмоқда. Шундай тадбирлардан бирини “Миллий тадқиқот маркази” республика давлат корхонасига қарашли “Туркистон вилоят дезинфекция маркази” ва вилоят “Ёшлар имконият маркази” ҳамда “Ахборот тадқиқот маркази” ДКК ҳамкорликда уюштирди.

Сабоқда таъкидланган марказларнинг ходимлари ва кўнгилли ёшлар қатнашдилар. Бундан мақсад – корхона ходимларини санитария-эпидемиологик ва дезинфекция режимида фаолият юритишга мослаштириш эди.

Айтганча, бугунги кунда вилоятимизда дезинфекциялаш чоралари кундаликда назоратга олиниб, бажарилган ишлар ҳақидаги маълумотлар ахборот марказига юборилмоқда.

Ҳозиргача одамлар гавжум бўладиган 2 481та иншоотда якуний дезинфекциялаш ишлари юритилди. Шундан, 29таси бозор, 23таси аҳолига хизмат кўрсатиш маркази, 498таси савдо маркази, 181таси тамаддихона, 304таси умумтаълим мактаби, 19таси интернат, 614таси мактабгача тарбия муассасасидир. Шунингдек, 3та болалар уйи, 29та ўрта ва олий ўқув юрти биноси, 285та даволаш муассасаси, 5та реабилитация маркази, 135та дорихона, 28та автовокзал, 85та масжид, 39та ҳаммом, 45та сартарошхона, 6та хиёбон, 6та мол бозори, 323та жамоат транспорти ҳам дезинфекциялашдан ўтган.