Вилоят ҳокими Ў. Шўкеев Туркистон шаҳридаги қурилиш майдонларини оралаб, қурувчилар билан учрашди.

Минтақа раҳбарининг топшириғига биноан, кўп қаватли уйларнинг сирти оч рангли травертин ва оқ мармар билан қопланмоқда. Уларнинг сифатини текшириб чиққан минтақа раҳбари пудратчи компания мутасаддиларига ишни тезлаштиришни топширди. Шунингдек, қурилиш жараёнида хавфсизлик чораларига амал қилиш зарурлигини қайд этиб, кечаю кундуз давомида ишлаш режимига кўчишни таклиф қилди. 

– Иш кўлами катта, буни яхши тушунаман. Бироқ чуқур масъулият ҳиссини йўқотмаган ҳолда вазифани астойдил бажариш керак. Биз томонимиздан қандай ёрдам керак бўлса, тўғридан тўғри айтаверинглар, – деди ҳоким.

Туркистон шаҳар маъмурий-тадбиркорлик марказида 7, 9 ва 12 қаватли 5600 хонадон, 89та уй қурилиши давлат ҳисобидан юритилмоқда. Йил охирида 7 қаватли 24та уйни, яъни 1452 хонадонни фойдаланишга топшириш режаланган. Навбатда турган ижтимоий заиф қатлам вакиллари ва кўп болали оилаларга 450та уй берилса, давлат хизматчиларига 1000дан зиёд насияли уйлар топширилади.