Ўрдабоши туманида жаҳонда мисли йўқ усулда нефть маҳсулотлари чиқарилади.

Туркистон вилоятида Евро-5 андазаларига муносиб маҳаллий маҳсулот, АИ-92 русумли бензин, дизель ёнилғиси ва бензол, толуол, ксилол ва мазут маҳсулотлари ишлаб чиқарилади. Ноёб лойиҳанинг ўзгачалиги шундаки, бу маҳсулотлар кўмирдан ишлаб чиқарилади. Минтақа раҳбари Ўмирзақ Шўкеев дунёда мислсиз лойиҳа билан танишиб қайтди. Ўрдабоши тумани, Бодом қишлоқ округидаги “Стандарт Ресурсис” МЧБ кўмир-кимё комбинати йилига 30 минг тоннагача хомашё ишлаб чиқариш қувватига эга. 

1,5 млрд. тенге сармоя қуйилган лойиҳа доирасида 100га яқин янги иш ўрини очилади. Давлат томонидан “Бандликнинг йўл харитаси – 2020” дастури доирасида инфратузилма тармоғи юритилиб, 3 чақирим узунликда темир йўл ётқизилган. Бугунги кунда заводда қурилиш ишлари якунланиб, ишга туширилиш арафасида.

Ўмирзақ Естайули экспериментал лойиҳани кенгроқ амалга ошириш зарурлиги таъкидлади. Бунинг учун замонавий технологияни батафсил ўргатишни топширди. Маҳсулот нафақат маҳаллий бозорга, балки МДҲ давлатларига экспорт қилинади.

 Асосий пудратчи – нефть кимёси соҳасидаги бозор етакчиларидан бири ҳисобланадиган Россиянинг “ЭТН Циклон” компанияси.