Вилоят ҳокими Ўмирзақ Шўкеев ва Ўзбекистон Республикаси Фавқулодда вазиятлар вазирлиги вакиллари иштирокида тикувчилик фабрикасининг қурилиш майдонига капсула қўйилди. Янги ишлаб чиқариш корхонаси “Turkistan” индустриявий минтақасида жойлашган. Лойиҳа Ўзбекистон президенти Ш. Мирзиёев топшириғи бўйича амалга оширилмоқда. 

Минтақа раҳбари  икки томонлама лойиҳанинг ижтимоий аҳамиятини ва фойдали томонларини тилга олди. Фабрикада 1000дан зиёд иш ўрни очилиб, кам таъминланган оилалардан чиққан аёллар ва имконияти чекланган кишилар иш билан таъминланади.

– Ўзбекистонлик ҳамкорларимиз билан ҳамкорликда қурадиган бу тикувчилик фабрикаси ҳудудимизнинг иқтисодий кўрсаткичларини оширишга ҳисса қўшади. Бугунги кунда ҳудудимизда  ўзбек капиталининг иштироки билан 40дан зиёд лойиҳа амалга оширилмоқда. Бу тикувчилик фабрикаси навбатдаги лойиҳа ва икки мамлакат бирлашган ҳамкорлигининг муносиб натижаси бўлишига ишонаман, – деди Ўмирзақ Естайули.

Корхона ойига 15000 дона тўқима маҳсулотларини етказади. Барча мутахассислар касбий даражада ўқитилади. Улар Туркистон олий кўпсоҳали, ҳунармандчилик коллежларида таълим олишади. Лойиҳа сармояларни жалб қилиш ва экспортни ривожлантириш бўйича “Turkistan Invest” минтақавий агентлиги қўллови билан ҳамда “ягона дарча” қоидаси бўйича амалга оширилади. Янги корхона октябрь ойида ишга туширилади.