Марказий Осиёда маиший техника ва электроника товарлари ишлаб чиқаришда етакчи Artel корхонаси Туркистон вилоятида ўз филиалини очди.

Лойиҳа қиймати – 85 млн. АҚШ доллари. Бу ҳар йили бир миллион дона маиший техника буюмлари ишлаб чиқариш имконини беради. 

Вилоят ҳокимининг ўринбосари М. Мирзалиев Artel гуруҳи вакиллари билан учрашувда янги ҳамкорларга минтақадаги сармоявий муҳит ва иқтисодий имкониятлар ҳақида маълумот берди. М. Мирзалиев бундай лойиҳаларни амалга ошириш икки мамлакат, яъни Қозоғистон ва Ўзбекистон ўртасидаги ҳамкорликни чуқурлаштириш нуқтаи назаридан муҳимдир, деб ҳисоблайди. 

Ушбу лойиҳа мамлакатимизда маиший техника импортини камайтириш ва “оддий буюмлар иқтисоди”ни ривожлантиришга ҳам хизмат қилади. 

“Ушбу йўналиш Президент томонидан белгиланган вазифаларга мувофиқ вилоят ҳокимлиги учун устувор вазифа ҳисобланади”, деди у.

Янги компания Туркистон вилоятида йирик завод қурмоқчи. Лойиҳа 2та босқичда амалга оширилади. Корхона тўлиқ ишга туширилса, 2 мингдан зиёд одам иш билан таъминланади. 

Биринчи босқич 2021 йил охиригача давом этиб, даставвал, йиллик қуввати 500 минг дона маиший техника ишлаб чиқаришни кўзлайди. 

Иккинчи босқич эса 2022 йил охирида тугаб, электр сув иситгичларини ишлаб чиқаради. 

Лойиҳага “Turkistan Invest” сармоя жалб қилиш ва экспортни ривожлантириш бўйича минтақавий агентлик бошчилик қилади. 

Иш “бир дарча” қоидаси бўйича иш юритилади.