1 июлдан Қозоғистонда пенсия ва ёрдам пуллари оширилди. 2017 йил 31 январ­даги Элбоши Мактубида белгиланган вазифани рўёбга чиқариш мақсадида Қозоғистон Республикаси Меҳнат ва аҳолини ижтимоий ҳимоялаш вазир­лиги ишлаб чиққан ва қабулланган “Қозоғистон Республикасининг ижти­моий таъминотга оид баъзи қонуний ҳуж­жатларига ўзга­ришлар киритиш тўғ­рисида” Қонунга мувофиқ, 2016 йил­га нисбатан пенсиялар ва фарзанд туғилиши муносабати билан бериладиган бир марталик нафақа  20 фоизгача оширилди.

***

Иш берувчиларнинг 5 фоизли маж­бурий нафақа тўловларини ўтказиш муддати 2018 йилдан 2020 йилга сурилди.

***

1 июлдан бошлаб болаларнинг сура­тини паспортларга киритиш Аҳолига хизмат кўрсатиш марказларида ҳам амалга оширилади. Бунинг учун ота-оналар боланинг 3,5х5,5 катталикдаги расми, туғилганлиги тўғрисида гувоҳ­номанинг  асли ва нусхаси, ўз паспортлари билан келишлари лозим.  Хизмат учун 227 тенге бож тўланади.

***

Вақтинчалик рўйхатдан ўтмасдан яшаш муддати 3 ойдан 1 ойгача қис­қартирилди. Агар фуқаро бошқа ерда 1 ойдан зиёд яшамоқчи бўлса, 10 кун ичида  Аҳолига хиз­мат кўрсатиш марказларига мурожаат этиши зарур.

***

Ҳарбий хизматчилар маоши 25 фоизга ошди. Мудофаа вазирлигининг хаба­рига кўра, Қозоғистон Республикаси қуролли кучлари шахсий таркиби МДҲнинг бошқа мамлакатларидагидан анча кўпроқ маош олади.