Ўтган йили пахта хом­ашёси жаҳон бозорида деҳқонлар учун мақбул баҳода бўлганлиги жорий йилда вилоятимизда, ху­сусан, Туркистонда пах­­­­та майдонларининг кен­гайишига олиб келди. 

Ливерпул жаҳон пахта толаси биржасидаги хомашё баҳоси деҳқонлар фойдасига ҳал бўлиб турибди. Пахта етиштирувчи хўжаликлар учун уни етиштириш бир машаққат бўлса, хомашёни нес-нобуд қилмай йиғиштириб олиш ундан-да улкан машаққат эканлиги сир эмас. Пахта далаларида «оқ олтин» сочилиб ётгани ҳолда қишлоқ аҳолисининг теримда тўлиқ иштирок этмаётгани сўнгги йилларнинг аччиқ ҳақиқатидир. 

Собиқ Иттифоқ давридагидан фарқ­­­­­ли ўлароқ, ҳозирги пайтда те­рим ишларида мактаб ўқувчилари меҳ­натидан фойдаланиш қонун асосида ман этилгани ҳам бир са­баб. Ўтган асрда пахта теримида бир кунда қарийб 700 килодан ошириб пахта терган Ленин ордени соҳибаси Назира Убайдуллаева, Қозоғистон Олий Кенгаши депутати Маҳфират Ҳаётоваларнинг меҳ­­­нат жасорати эндиликда, афсус­ки, такрорланмаса керак. Эс­ки Иқон қишлоғидаги тад­­­биркор Бўс­­­­­тон Ибрагимов билан мулоқотимиз чоғида яқин кунларда Туркистонга Америка Қўшма Штат­ларида тайёрланган иккита замонавий «Жон-Дир» пахта терувчи комбайнлар харид қилингани ҳақида хушхабар айтилди. Комбайнларнинг бири Эски Иқон қишлоғида ишлатилса, иккинчиси «Турон» деҳқон хўжалиги раиси Ҳа­бибулла Азимов тасарруфида бўлади. Кунига 20 гектар майдондаги пахтани сифатли терадиган ком­байнлар хир­монга ва иш сифатига барака кири­тиши аниқ. 

Албатта, бу замонавий техника­ларнинг баҳоси ҳам сифатига яраша. Лекин, аслида қўлда терувчиларга аталган, аммо, улар томонидан асоссиз рад этилган ризқ-насиба пировардида алп техника харидига сарфланди. Бу ҳам бугунги кун ҳақиқати.