Вилоятимизда ян­ги те­леканал иш бош­­­­­­­ла­ди. Қишлоқ хў­­жа­ли­ги ри­­вожланган минтақамизда илк одимларини ота­ёт­­­ган “Аgro-TV” жа­моаси кўпчиликнинг кўнглини олишга ният билдирмоқда. 

Телеканал бош ди­­­­­рек­тори Едилбай Беркин­баевнинг айтишича, жа­моа журналистлар, ама­­лиётчилар ва олим­­лар­­­нинг ўзаро ҳамкорлигини йўл­га қўйиш ниятида. “Аgro-TV” қа­тор янги дастурларни намойиш этмоқчи. Шу жумладан, канал тур­ли экинларга ишлов беришга оид маслаҳатлар, ўсимликларнинг ри­вож­ланишини яхшиловчи, уларни зараркунандалардан сақловчи турли воситалар, дав­­­­­­латнинг қишлоқ хўжалигини ри­вожлантиришга йўнал­тирилган сиёсати хусусида маълу­мотлар бе­ради. 

Ҳозирча вилоят миқёсида ишлаёт­ган “Аgro-TV” қишлоқ хўжалиги ва­зир­­­лиги, вилоят, шаҳар  ва туман ҳокимликлари, илғор хўжаликлар билан тиғиз ҳамкорлик ўрнатишни ҳам кўзлайди.

– Сайрам туманида ишлаб юрга­нимда асаларичилик, йилқи­чилик, туячиликка оид қатор видео­кўрса­тувлар тайёрлаганман, – дейди Е. Беркинбаев. – Мана шу тажрибам асқотиб, телеканалимиз чорвадор-деҳқонларимиз учун зарур ахборот манбасига айланишига ишонаман.