Шимкент шаҳридаги “Наурыз Пластик” савдо белгисининг маҳсулотлари  энди чет эл бозорида сотилади. Маҳаллий бо­зорда бир неча йил му­қаддам пайдо бўлган бу корхона маҳсулотларига сўнги пайтларда талаб ортмоқда. 

Бугунги кунда заводда ўйинчоқ машинанинг 10 тури ва конструктор-ле­гонинг 5 тури чиқа­рилади. Маҳ­сулотнинг ҳар бир қисми алоҳида тайёрланиб, сўнг  йиғишга юборилади. 

“Қозоғистонда ишлаб чиқарилган” маҳ­су­лот бел­­­­гиси бор ўйин­чоқ­лар Шим­кент шаҳ­рининг бозорлари ва ви­лоятимизнинг барча туманларида со­тил­моқда. Ишлаб чиқарув­чиларнинг айтишича, баҳоси хитой ўйинчоқларидан икки баравар арзон.  

Тадбиркорлар бу ўйинчоқ­лар барча халқаро эколо­­­гик талабларга тўлиқ жа­воб беради, дейишмоқда. Сифатли пластмассадан ясалган, гигиена ва эсте­тика меъёрлари асосида тайёрланган. У ойинчоқлар бола соғлиги учун хафсиз.

Тадбиркорлар икки иш­лаб чиқариш тизимини ха­рид қилиш учун молияни “Бизнеснинг йўл харитаси – 2020” дастур доирасида олган. Кор­хонанинг ишлаб чиқариш қуввати ойига уч минг дона маҳсулотни ташкил қилади. Лекин уни 10 минг донагача кўпайтириш мумкин. 

Ҳозирги кунда корхонада ишлаб чиқариш тўлиқ йўл­га қўйилган. Яқинда тад­бир­корлар индустриявий мин­та­қадаги янги бинога кўч­ди. Энди ишлаб чиқариш қуввати янада ортиб, яқин ва олис чет эл бозорларига чиқишни режалаштирмоқда.