Марказий коммуникациялар хизматининг Жанубий Қозоғистон вилоят филиалида вилоят тадбиркорлар палатасининг директори Асқар Абубакиров “Тадбиркорликда харажатларни ёппасига камайтириш” мавзуида брифинг ўтказди.

Директорнинг таъкидлашича, 2015 йилдан бошлаб, ҚР “Атамекен” миллий тадбиркорлар палатасига тадбиркорлик соҳасида ўз ишини очаётган фуқароларга сервис хизматлари кўрсатиш, шунингдек, уларга бизнесни қўллаш ва ривожлантириш доирасида “Бизнеснинг йўл харитаси – 2020” лойиҳаси бўйича иш юритишда консалтинг хизматини кўрсатиш функциялари киради.

Асқар Абубакировнинг айтишича, энди иш бошлаётган ишбилармонларда узоқ муддатли режа йўқлиги, молиявий хизматни уюштиришдаги хатолар, қаноатлантирмайдиган бухгалтерия ҳисоб-китоблари, бошқарув масалалари, маркетинг ишларининг тўғри йўлга қўйилмагани соҳанинг ривожига салбий таъсир кўрсатади. Шу сабабли, кўплаб ишбилармонлар фаолиятининг бошиданоқ ишни тўхтатишларига мажбур бўлади. 

Юқоридаги масалаларни инобатга олган ҳолда Тадбиркорлар палатаси “Бизнеснинг йўл харитаси – 2020” дастури доирасида қуйидаги бепул хизматларни тавсия этади:

* солиқ тўлаш бўйича ҳисобот;

* 1С ўрнатиш;

*  сайтлар очиш;

*  шартнома, аризалар, тўсиқлар ва бошқалар;

* бизнес-режа тайёрлаш;

*  давлат хариди учун танлов ҳужжатларини тайёрлаш;

*  ҳисоб-фактуралари, ташқи савдо бўйича шартнома тайёрлаш;

*  иккинчи даражали банклардан насия олиш учун тадбиркорларнинг аризаларини қўллаб-қувватлаш;

*  давлат-хусусий ҳамкорлиги юзасидан маслаҳат бериш.

Хизматлар “Даму” ҲЖ, Жанубий Қозоғистон вилояти Тадбиркорлар палатаси ва унинг туманлардаги бўлимларида кўрсатилади.

2015 йилдан бугунги кунгача кичик ва ўрта тадбиркорлик соҳасининг 13086 вакилига бепул хизмат кўрсатилди.