Кейинги пайтларда луғатимизга турли сўзлар кириб келмоқда. Шулардан – криптовалюта, биткоин, квазисектор ва ҳоказо. 

Криптовалюта бу – электрон пул. Янги технологиялар ва Ҳукуматнинг назоратисиз асосланган тўловлар ва пул ўтказмаларининг тез ва ишончли тизими. У асл кўринишдаги пул эмас. Пул ўрнида фойдаланадиган эрзац, яъни сунъий (ясама) валюта. Шуларнинг орасида энг машҳури – биткоин. Ҳозирги кунда 1 биткоиннинг қиймати – 703 АҚШ долларига тенг. Криптовалюталарнинг орасида иккинчи ўринда – Лайткойн. Бу валюталарда битимнинг алгоритми тез ишлайди. Биткоин ва Лайткоинни олтин ва кумуш деб ажратса бўлади. 

Ҳар қандай давлатда пул ишлаб чиқариш ҳуқуқи фақатгина давлат марказий банкларидагина амалга оширилади. 2009 йилда япониялик Сатоси Накамото “bitcoin” номли сунъий пул ишлаб чиқарганлиги тўғрисида маълумотлар тарқалганди. Биткоин – компьютернинг қуввати фақат шу тизим учун фойдаланадиган одамларнинг орасида ҳеч қандай назоратсиз бепул айланадиган виртуал пул. Ушбу айланмада юрган биткоин ҳажми ва тўла эмитентларнинг ҳаракатларини текшириш мумкин эмас. Банкирлар ва дунё давлатлари ҳукуматлари биткоинни кўпроқ шу сабабли синаб кўрадилар.