Жанубий Қозоғистон вилоятида хитойлик тад­биркорлар қуввати 100Мвт.га тенг қуёш электр станциясини қурмоқчи. Жанубий Қозоғистон вилояти ҳокими Жансейит Туймебаев билан учрашув чоғида “Джан Су Нью Энерджи Технолоджи” компанияси вакили Ге Дженсон шуни маълум қилди. 

Учрашувда томонлар вилоятда қуввати 100 МВтни ташкил этадиган қуёш электр станцияси қуриш масаласини му­ҳокама қилдилар. Режага мувофиқ, станция Ўтрор тумани ҳудудида барпо этилади. Бир йилда 300 куни қуёшли бўладиган Жанубий Қозоғистон ви­лоятидаги табиий иқлим шароитини инобатга ол­ган тадбиркорлар ушбу лойиҳага 200 млн. АҚШ доллари сарфлаш ниятида.

– Биз қурилиш ишларини октябрь ойида бошлашни ре­­­­­­­­­­­жаламоқдамиз. Стан­ция ишга туши­рилгандан сўнг, электромобиллар йиғишга киришамиз. Ток билан юрадиган мо­­­­­­­­­­­то­­­­­­циклларнинг ус­­­­куна­ла­рини ҳозирча Хитойдан келтириб, шу ерда йиғишни мўлжаллаяпмиз, – деди Ге Дженсон.

Қувонарлиси шуки, қу­ёш электр станцияси ло­­­­­­­­­­йиҳасини амалга оши­ришга маҳаллий ёш му­тахассислар жалб этил­­­­­­­моқда. Хитой тад­биркор­ларининг айтишича, мазкур лойиҳада иштирок этадиган ёш энергетиклар келажакда уни ишлатишда қийналмайдилар.

Сармоядорларнинг уш­­­­­­­­­­бу таклифини қўллаб-қув­ватлаган минтақа раҳ­ба­ри маҳаллий ҳокимлик томонидан ер участкаси аж­ратилиб, қўшимча им­тиёзлар берилишини  таъкид­­лади.

– Лойиҳаларингиз  кўн­гилга ёқади. Сабаби, мин­тақамизнинг иқлими қуёш нуридан электр қуввати ишлаб чиқариш учун жуда қулай. Шу боисдан иккала  томон ҳам самарали ло­йиҳани тезлатиб, амалга ошириши керак. Тегишли ер участкасини ажратиб, зарур қўллов кўрсатишга тайёрмиз, – деди Жансейит Қансейитули. 

Хитойлик тадбиркорлар бундан ташқари, элек­тропанеллар чиқаришга ҳам қизиқишмоқда. Бу борада улар мамлакатимизнинг “Яшил иқтисодиёт” дас­турини қўлламоқчи.