Туркистон вилояти ПБ Арис ТПБнинг полиция ходимлари йил бошидан буён ҚР МҲБКнинг 425-моддасига кўра 500га яқин ҳуқуқбузарлик аниқлаган. Шу жумладан, тўй ва маросимлар уюштиришнинг 25 ҳолати, жамоат жойда ниқобсиз юришнинг 54 ҳолати, чекланган вақтга риоя қилмасдан иш юритган дўконларнинг 50таси, ўйинхоналарнинг 3таси аниқланган. Ушбу тартиббузарликларга қонуний чора кўриш учун жамланган ҳужжатлар қонуний қарор қабул қилиш учун тегишли муассасага йўлланди.
Масалан, Арис шаҳридаги тўйхоналарнинг бирида 150га яқин меҳмон чақириб, “қиз узатиш” тўйини уюштирган фуқаро аниқланди. Қонунбузарликка йўл қўйган тўйхона ва тўй соҳиблари чеклов талабига риоя қилмаганлиги учун ҳужжатлар тегишли муассасага йўлланган. Меҳмонларга эса тушунтириш ишлари юритилиб, тўй тўхтатилиб, тарқатилди.
Полициячилар тўйхона ва қаҳвахоналарни текшириб, соҳиблари билан учрашиб, одамлар кўп тўпланадиган маросимларни ўтказганлиги учун жавобгарликка тортилишини айтиб огоҳлантирди.
Шимкентлик ҳамюртимиз полицияга мурожаат қилиб, бир шахс ишга жойлаштириб қўяман деб, 500 минг тенге пулини қаллоблик йўли билан олиб, пулни қайтармаётганини айтган.
 Ал Форобий ТПБ Криминал полиция бўлими ходимлари ҳаракати билан номаълум шахс аниқланиб, қўлга олинди. Тергов юритилмоқда. Йирик миқдордаги пулни бегона ва нотаниш кимсаларга ишониб топширишдан аввал ўйланинг: бу йўл билан қанча одам иш билан таъминланган ва мақсадига эришган?