Кazinform. Сариоғоч туманидаги Тўлебий номидаги 7-сонли умумтаълим мактабининг 11-синф ўқувчиси Ақжунис Атахан дунёнинг 36та нуфузли университетларидан ўқишга таклифнома олди.

Ақжунис тинимсиз изланишлари туфайли юксак муваффақиятларга эришди. У АҚШ, Канада, Дубай, Туркия, Малайзия университетларига ҳужжат топширган ва уларнинг барчасидан таклифнома олган. Улар орасида АҚШнинг 17та, Дубайнинг 5та, Туркиянинг 6та, Малайзиянинг 5та университетлари унга махсус грантлар тақдим этган бўлса, Канададаги битта университет уни президент стипендияси билан ўқишга қабул қилган.

– Ягона миллий тест синовларида 111 балл тўплаган Ақжунис халқаро муносабатлар йўналиши бўйича мутахассисликни танламоқда. У мазкур таълим даргоҳида хорижий университетлардан кўплаб таклифнома олган биринчи ўқувчи. Ақжунис Атахан келажакда халқаро андазаларга мос таълим олиб, мамлакат тараққиётига ҳисса қўшишни мақсад қилган, – дея хабар беради Туркистон вилояти таълим бошқармасининг матбуот хизмати.