Сув тежовчи технологияларни жорий этиш сув сарфини камайтириб, ҳосилдорликни ошириш, суғориладиган ерлардан самарали фойдаланиш имконини беради. Давлат раҳбари топшириғига мувофиқ, вилоятда суғориладиган ерлар ҳажмини ошириш борасида қизғин ишлар амалга оширилмоқда. Вилоят ҳокими Нуралхан Кўшеров раислигида ўтган йиғилишда бу борадаги ишлар атрофлича муҳокама қилинди. 2030 йилга қадар минтақада сувни тежаш технологияларини 126,3 минг гектарда жорий этиш режаланган.

Жорий йилга 27 минг гектар майдонга сув тежовчи технологияларни жорий этиш режаси тасдиқланган. Хусусан, барча имкониятлар эътиборга олиниб, режа ҳажми 2 баравар ўсди. Бундан ташқари, хорижий сармоядорнинг иштироки билан янги технология 32 минг гектарга жорий этилди.

Трансчегаравий сувга қарамликни камайтириш мақсадида янги технологияларни жанубий туманларда 24 минг гектарда жорий этиш режаланмоқда.

Вилоят ҳокими белгиланган суғориладиган ер майдонидан тўғри фойдаланиш давлатимиз раҳбари томонидан таклиф этилган юқори рентабелли экинлар етиштиришга ўтиш, импорт ўрнини босиш, суғориладиган ерлар майдонини босқичма-босқич кўпайтириш доирасида белгиланган вазифаларни бажариш имконини беришини таъкидлади. Бинобарин, илғор технологиялар ва замонавий сув тежаш тизимларини жорий этиш давр талабидир. Туркистон минатақасида сув танқислигини бартараф этиш мақсадида “Бәйдібек ата” ва “Қарақуыс” сув омборларида қурилиш ишлари олиб борилмоқда. “Боралдай” ва “Иқансу” омборларини қуриш лойиҳалари ҳам ишлаб чиқилган. Лойиҳалар тўлиқ амалга оширилса, “Бөген” сув омборига қўшимча 120,3 миллион м3 тонна оқин сув муаммоси ҳал қилинади.