Ҳурматли Туркистон вилояти аҳолиси ва меҳмонлари!
Вилоят ҳудудида йўл-транспорт ҳодисаларининг ярмидан зиёди тезликни белгиланган меъёрдан ошириш туфайли содир бўлмоқда. Уларнинг олдини олиш, йўл ҳаракати хавфсизлигини таъминлаш мақсадида вилоятимиздаги республика аҳамиятига молик автомобиль йўлларнинг қуйидаги ҳудудларида тезликни ошириш ҳолатларини автомат равишда аниқловчи «Сергек» интеллектуал тизими ўрнатилиб, жорий йил 20 апрелдан бошлаб ишга туширилди:
«Туркистон – Шимкент» автойўлининг Ўрдабоши тумани орқали ўтадиган Қайнар аҳоли манзили қошида (пиёдалар ўтиш жойи);
«Туркистон – Шимкент» автойўлининг Ўрдабоши тумани орқали ўтадиган Шубарсу аҳоли манзили қошида (пиёдалар ўтиш жойи);
«Шимкент – Тошкент» автойўлининг Рабат аҳоли манзили қошидаги кўприк қошида (пиёдалар ўтиш жойи);
«Жибек жўли – Жетисай» автойўлининг Келес тумани, Бесқубир аҳоли манзили қошида (пиёдалар ўтиш йўли);
«Шимкент – Алмати» автойўлининг Сайрам тумани, Қорабулоқ аҳоли манзили қошидаги кўприк ёнида.
Барча «Сергек» ускуналарининг олдида огоҳлантириш белгилари ўрнатилган. Ҳайдовчиларни йўлда эҳтиёт бўлишга, йўл қоидаларига риоя қилишга чақирамиз.