Туркистондаги “Ҳазрат Султон” халқаро аэропорти янги йўналишда ривожланади

Туркистон шаҳридаги аэропорт фаолиятини жонлантириш, йўловчилар оқими ва йўналишлар сонини кўпайтириш борасида янги режалар амалга оширилади.

Вилоят ҳокими Дархан Сатибалди соҳага мутасадди раҳбарларни қабул қилиб, йиғилиш ўтказди. Уни 

сайёҳлик соҳаси билан мувофиқлаштирган ҳолда ривожлантириш зарурлигини таъкидлаб, масъул раҳбарларга топшириқлар берди.

Бугунги кунда “Ҳазрат Султон” халқаро аэропорти 3та халқаро (Истанбул, Ал-Қувайт, Абу-Даби) ва 7та республика (Астана, Алмати, Ақтов, Ақтўбе, Ўрал, Қарағанди, Қўстанай) йўналишлари бўйича хизмат кўрсатмоқда.

2024 йил 15 март куни “Туркистон–Самарқанд”, “Туркистон–Кўкшетов–Ушарал» (мавсумий) йўналишлари бўйича авиақатновларни йўлга қўйиш режаланмоқда. 

Яқинда Қозоғистон авиакомпаниялари раҳбарлари билан учрашув ўтказиш кўзда тутилмоқда. Бундан ташқари, навигация хизматлари учун тегишли ташкилотлар билан шартномалар имзоланади. Аэропортнинг даромадини ошириш мақсадида йўловчилар оқимини 500 мингга етказиш мўлжалланмоқда.