Мамлакатимиз Президенти ҚасимЖўмарт Тўқаев Қозоғистон халқига навбатдаги «Адолатли Қозоғистон: қонун ва интизом, иқтисодий тараққиёт, ижтимоий некбинлик» номли Мактубини йўллади. Йилнинг бош ҳужжатида Президент қозоғистонликлар амалга оширган ўзгаришларга тўхталиб, янги вазифалар билан таништирди.

Президент Ҳукуматга молия-кредит сиёсати билан солиқ сиёсатини ўзаро мувозанатлаш, «Қарзсиз жамият» дастури доирасидаги ишларни жадаллаштиришни топширди. Айниқса, таълим соҳасига эътибор кучайтирилгани қувонарли. 2025 йилгача мамлакатимизда 217та замонавий мактаб фойдаланишга топширилиши, шу билан бирга, 1300та мактаб тўлиқ таъмирланиб, янгиланиши таълим сифатини оширишга хизмат қилади.

Шунингдек, соғликни сақлаш соҳасидаги янгиликлар кўпчиликни қувонтирди. Экологик вазиятни яхшилаш масаласига эътибор қаратилди, юртимизни ободонлаштириш масаласи айтилди.

Умуман олганда, жорий йилги Мактубдан мақсад – Қозоғистонни хавфсиз ва бадастир мамлакатга айлантириш. Бунинг учун барча имкониятлар мавжуд. Давлатимиз раҳбари таъкидлаганидек, биз ҳамжиҳатлик ва бирлик туфайли турли синовлардан суринмай ўтган халқмиз. Барчамиз ягона халқ сифатида адолатли ва тараққий этган Қозоғистонни бирга барпо этамиз. Президентимизнинг Мактуби бу йўлда бизга дастуриламал бўлади. Халқимиз омон бўлиб, Ватанимиз равнақ топсин!