Давлатимиз раҳбари Қ. Тўқаев жорий йилги «Адолатли Қозоғистон: қонун ва интизом, иқтисодий тараққиёт, ижтимоий некбинлик” номли Мактубида жамиятни янада тараққий эттириш борасидаги вазифаларни белгилаб, юксак мақсадларга эришиш учун қонун устуворлигини таъминлаш зарурлигини таъкидлади.

“Халқ овозини тинглайдиган давлат” дастурини илгари сурганимга беш йилдан ошди. Шу давр мобайнида биз жамият ва давлат тузилмалари ўртасидаги муносабатлар маданиятини ўзгартира олдик. Қатор самарали алоқа дастаклари ва турли мулоқот дастурлари юзага келди. Давлат хизматчиларининг фуқаролар билан бевосита мулоқоти одатий ҳолга айланди. Ушбу дастур давлат хизматчиларининг хулқ-атворини шакллантирди. Улар масъулият билан фаол, шаффоф ва самарали ишлай бошладилар. Бироқ, давлат ва жамият ўртасидаги мулоқот сифатини янада яхшилаш учун барчамиз ҳалол ва адолатли бўлишимиз, фақат қонун доирасида иш юритишимиз, берган ваъдамиз ва қилган ишимизга  масъул бўлмоғимиз керак”, деди у.

Мактубда аҳолининг эҳтиёж ва талабларини аниқ билиш, давлат идораларининг фаолиятини яхшилашга эътибор қаратилиб, жумладан, ҳокимларни бевосита сайлаш тизимини жорий этилиши маълум қилинди. Шунингдек, тадбиркорликни қўллаб-қувватлаш, иқтисодиётни ривожлантириш, солиқ тизимида ислоҳотлар ўтказиш, қишлоқларда фуқаролар даромадини ошириш, барқарор ижтимоий-иқтисодий тараққиётни таъминлаш ва аҳоли фаровонлигини ошириш каби масалаларга эътибор қаратилди.

Келгусида Сайрам туман маслаҳати депутатлари Мактубда белгиланган вазифаларни ҳаётга татбиқ этиб, минтақанинг ижтимоий-иқтисодий жиҳатдан тараққий эттириш, аҳоли фаровонлигини ошириш, сайловчиларнинг талаб ва таклифларининг ижросини таъминлашга ҳаракат қиладилар.