Қ. Тўқаев ва Ш. Мирзиёев “Медеу” муз майдонини бориб кўрди ва тоғ чотқолида жойлашган ноёб иншоот ҳақида ҳикоя қилувчи фотокўргазма билан танишдилар. 

 Муз майдони жаҳон спорти тарихида алоҳида ўрин тутади. Президентларга 1972-1991 йилларда бу ерда эркаклар ва хотин-қизлар ўртасида ўтказилган мусобақаларда барча масофаларда 247 марта рекорд ўрнатилгани маълум қилинди. “Медеу” ҳанузгача Қозоғистоннинг энг машҳур сайёҳлик масканларидан бири бўлиб қолмоқда.

2024-2025 йилги мавсумда муз майдонига 460 минг киши ташриф буюрган. Давлат раҳбарларига “Медеу”ни барқарор сайёҳлик шаклига эга жаҳон даражасидаги марказга айлантиришга қаратилган янги тараққиёт лойиҳаси тақдим этилди. Қ. Тўқаев ва Ш. Мирзиёев алматилик спортчи Евгений Кошкин билан суҳбатлашишди.

У бу йилги жаҳон чемпионатининг сўнгги икки босқичида ғолиб чиқди, Жаҳон чемпионати ва Осиё ўйинларида медалларга сазовор бўлди. Яқинда Қозоғистонда ўтказилган спартакиадада спортчи 100 метр (9,31 сония) масофага норасмий жаҳон рекордини янгилади. 

Сўнг давлат раҳбарлари фигурали учиш усталарининг чиқишларини томоша қилишди.

Мухтасар қилиб айтганда, Қозоғистон ва Ўзбекистон кўп асрлик дўстлик, яхши қўшничилик, ўзаро ишонч ва кенг кўламли шерикликни мустаҳкамлаш тарафдори бўлиб келган. Президент Шавкат Мирзиёевнинг мамлакатимизга навбатдаги ташрифи эса мавжуд ўзаро манфаатли ҳамкорлик ва амалий мулоқотни янада ривожлантиришга янги суръат бағишлайди.