Танловнинг низомига мувофиқ, туман марказлари унда иштирок этмайди. Шунингдек, “Жомарт түлек” концепцияси ҳам жорий этилмоқда.

Ушбу йўналиш бўйича қишлоқ фуқароларининг туғилган маскани ва билим олган мактабини ободонлаштиришга қўшган ҳиссаси ва тозалигига эътибор қаратиши, ҳомийлиги инобатга олинади. 

Бу ҳақда вилоят ижтимоий тараққиёт бошқармаси раҳбари Ерлан Кузембаев маълум қилди.

– 2024 йилдан эътиборан, вилоятда “Намунали қишлоқ” танлови ўтказиб келинмоқда. Ўтган йили барча туман-шаҳарлардан танловнинг вилоят босқичида иштирок этган аҳоли манзиллари орасидан ғолиблар аниқланиб, танлов низомига кўра, вилоят бюджетидан тегишли маблағ ажратилди.

Ғолиб Қазиғурт туманининг Шарбулақ овулида қиймати 500 млн. тенгелик жисмоний тарбия ва соғломлаштириш мажмуасининг қурилиши юритилса, 2-ўринни қўлга киритган Чордара тумани, Кўксу овулида 120 млн. тенгега 2 қаватли бино таъмирланиб, тўгараклар очилди. Шунингдек, Сариоғоч туманига қарашли Маданият овулида 37,8 млн. тенгега кичик спорт ҳамда болалар майдончалари, Сўзоқ тумани Жартитўбе овулида 26 млн. тенгега болалар майдончаси қурилиши йил якунигача фойдаланишга топширилади, – деди бошқарма раҳбари.