Туркистон вилояти ҳокимлиги минтақавий рамз лойиҳасини ишлаб чиқиш бўйича танлов эълон қилади.

Минтақавий рамз лойиҳасига қўйиладиган талаблар:

1. Лойиҳани ишлаб чиқиш қуйидаги тамойилларга асосланади: 

- жамоат тотувлиги ва умуммиллий бирликни мустаҳкамлаш;

- гералдик белгиларга риоя қилиш;

- минтақанинг миллий анъаналар, тарихий, маданий, табиий, географик, ижтимоий-иқтисодий хусусиятларини инобатга олиш.

2. Лойиҳани ишлаб чиқишда Қозоғистон Республикасининг Давлат байроғи ва Давлат герби тасвиридан, шунингдек, диний, уруғ ва қабила тимсоллари тасвиридан фойдаланиш тақиқланади.

3. Лойиҳани ишлаб чиқишда қуйидаги жиҳатлар инобатга олинади:

- лойиҳа илгари фойдаланилмаган ва ўзига хослиги билан минтақа тараққиётининг истиқболдаги йўналишини белгилаб берувчи  янги ишдир;

- лойиҳадаги расмий номлар, ёзувлар ва бошқа матнлар қозоқ тилида тақдим этилиши керак;

- лойиҳани ишлаб чиқишда муаллифлик ҳуқуқи ва/ёки турдош ҳуқуқларнинг бузилишига, кўчирмакашликка йўл қўйилмайди 

4. Лойиҳа муаллифи Қозоғистон Республикаси фуқароси бўлиши керак;

5. Агар лойиҳа бир неча шахслар томонидан яратилган бўлса, уларнинг барчаси унинг муаллифлари (ҳаммуаллифлари) ҳисобланади.

6. Лойиҳани ишлаб чиқишда миллий-этнографик унсурлардан (безаклардан) фойдаланишга рухсат этилади.

Танловда иштирок этиш учун аризалар 2025 йил 30 мартгача  қоғоз ва электрон шаклда вилоят ижтимоий тараққиёт бошқармасига топширилиши (электрон нусхасини russ_pl4@mail.ru электрон манзилига йўллаш) зарур.