Қазиғурт туманида табиий шарбат ишлаб чиқарадиган завод ишга тушди

Қазиғурт туманида мева-сабзавотни қайта ишлаш ва шарбат ишлаб чиқариш корхонаси ишга туширилди. Икки гектар майдонни эгаллаган лойиҳа қиймати 589 млн. тенгени ташкил этади. “Көрiк” деҳқон хўжалиги МЧБ ташаббуси билан амалга оширилмоқда. Биродарлик директорининг айтишича, “Делис” савдо белгиси билан чиқадиган алкоголсиз ичимлик кимёвий аралашмаларсиз тайёрланиши билан ажралиб туради.

“Қазиғурт” индустриявий минта­қасида жойлашган корхона бир кеча-кун­дузда 8 тонна маҳсулот ишлаб чи­қариш қувватига эга. Қайта ишлашда фойдаланиладиган мева-резаворлар туман ҳудудида етарли. Бу ерда олма, нок, помидор, сабзидан шарбатнинг тўрт тури ишлаб чиқарилади. Тайёр маҳсулот элимизнинг барча ҳудуд­ларига тарқатилади.

Корхонада 21 нафар фуқаро иш билан таъминланган. Кичик завод замонавий технология асосида фао­лият юритади. Иш яхши борса, маҳ­сулот ишлаб чиқаришни орттириш режаланган. 

Таъкидлаш жоизки, “Қазиғурт” са­ноат минтақасида 13 гектар ерда уму­мий қиймати 2,3 млрд. тенгелик 7та лойиҳа амалга оширилмоқда. Уларда 173 нафар маҳаллий фуқа­ро меҳнат қилмоқда. 

Жорий йили қўшимча яна 3та лойиҳа амалга ошади, деб режаланмоқда.