Саккизинчи чақириқ Туркистон вилоят маслаҳатининг навбатдан ташқари XVII сессияси ўтди. Унда вилоят ҳокими Нуралхан Кўшеров, вилоят маслаҳати депутатлари ва мутасадди давлат идора вакиллари иштирок этди. Сессия ишини вилоят маслаҳати раиси Нурали Абишов олиб борди.

Мажлисда вилоят ҳаётига оид қатор масалалар муҳокама қилиниб, тегишли қарорлар қабул қилинди. Жумладан, “Туркистон вилоятининг Фахрий фуқароси” унвонини бериш, вилоят ҳокимлиги қошидаги таълим сифати ҳудудий кенгашининг таркибини тасдиқлаш, ижтимоий аҳамиятга молик муносабатлар рўйхатига ўзгаришлар киритиш масалалари кўриб чиқилди. Шунингдек, аҳоли манзилларида яшил майдонлар барпо қилиш, парваришлаш ва муҳофаза қилиш, шаҳарлар ва аҳоли манзилларини ободонлаштириш қоидаларига ўзгаришлар киритиш таклифлари кўрилди. “Тоза Қозоғистон” концепциясини амалга ошириш юзасидан Туркистон вилояти бўйича режага ўзгаришлар киритиш таклифи ҳам депутатлар томонидан якдиллик билан қўллаб-қувватланди. 

Сессия якунида вилоят ҳокими Нуралхан Кўшеров депутатларга минтақа тараққиётига оид масалаларни муҳокама қилишдаги фаоллиги учун миннатдорчилик билдирди.

– Биз танлаган йўл ҳаммага маълум. У – саноат ўринларини кўпайтириш, сармоя жалб қилиш, даромадни оширишдан иборат. Куни кеча Саврон туманида қишлоқ хўжалиги минерал ўғитларини ишлаб чиқарадиган замонавий завод қурилишига тамал тоши қўйдик. Вилоятимизда бошқа сармоявий лойиҳалар ҳам амалга оширилмоқда. Халқаро даражадага тадбирлар ўтказилмоқда. Бу ишлар ижросида сизнинг ҳиссангиз бор. Келгусида ҳам халқимиз фаровонлигини оширишга қаратилган ишлар давом эттирилишига ишончим комил, – деди Нуралхан Кўшеров.

Сессияда халқ ноиблари таклиф, фикр-мулоҳазаларини билдириб,  вилоятнинг ривожланиш кўрсаткичлари ва ҳокимлик фаолияти юзасидан мулоҳазаларини баён этишди.