26 март 2017 йил
booked.net
+12
°
C
+12°
+1°
Шымкент
Четверг, 06
Прогноз на неделю
1991 йил 1 апрелдан чиқа бошлаган Туркистон вилоятининг ижтимоий-сиёсий газетаси
Биз ижтимоий тармоқдамиз:
+7(7252) 53-93-17, 53-92-79. janubiy@inbox.ru
+ 7(747) 701-50-55
+ 7(747) 701-50-55
Кузги ҳашар: Туркистон янада яшилликка бурканмоқда

ТУРКИСТОН ВИЛОЯТИДА КУЗГИ ДАРАХТ ЭКИШ МАВСУМИ БОШЛАНДИ

Туркистон вилоятида кузги дарахт экиш мавсуми бошланди. Шу муносабат билан Туркистон шаҳри аэропортига олиб борувчи йўл бўйида кўчат экиш бўйича кенг кўламли экологик тадбир ташкил этилди. Унда вилоят ҳокими Нуралхан Кўшеров ҳам иштирок этиб, хайрли ташаббусни қўллаб-қувватлади ва кўчат экиш ишларига ўз ҳиссасини қўшди.

Шунингдек, умумхалқ ҳашарида вилоят Табиий ресурслар ва табиатдан фойдаланишни тартибга солиш бошқармаси, Қишлоқ хўжалиги бошқармаси тасарруфидаги «Тўран сув» муассасаси, Ветеринария бошқармаси ҳамда «Туркистон» ижтимоий-тадбиркорлик корпорацияси» акциядорлик жамияти ходимлари фаол қатнашди. Умуман, тадбирда қарийб 1 000 нафар киши иштирок этди.

Экологик вазиятни яхшилаш ва шаҳар кўркига кўрк қўшиш мақсадида тадбир давомида 22,5 минг туп дарахт кўчати экилди. Жумладан, 7 500 туп тут, 6 250 туп жийда, 5 000 туп ўрик ва олча, 3 750 туп қайрағоч кўчати ерга қадади. Аэропорт йўли бўйлаб жами 87,5 минг туп дарахт экиш режалаштирилган.

Давлат раҳбарининг республика бўйича 15 миллион туп кўчат экиш топшириғи доирасида Туркистон вилоятида 1,5 миллион туп кўчат ўтқазиш кўзда тутилган.

Бундан ташқари, вилоят ҳокимининг топшириғига мувофиқ, ҳудуддаги 807 та аҳоли манзилини кўкаламзорлаштириш ишлари олиб борилмоқда. Тасдиқланган ҳудудий режага асосан, аҳоли манзилларининг қарийб 90 фоизини яшил майдонларга айлантириш ва вилоят бўйича жами 4 миллион тупга яқин кўчат экиш белгиланган. Ўтган йили ушбу йўналишда 1 007 123 туп турли хил дарахт кўчатлари экилган.

Кўкаламзорлаштириш ишлари жорий йилда ҳам изчил давом этмоқда. Йил якунига қадар вилоят бўйича 1 миллион туп кўчат экиш режалаштирилган бўлиб, шундан 332,5 минг тупи баҳорги мавсумда экилди. Куз ойларида эса қарийб 700 минг туп кўчат ўтқазиш кўзда тутилган. Ҳозирги кунга қадар туман ва шаҳарларга 195 минг туп кўчат ажратилган.

Мазкур ишлар келгусида ҳам давом эттирилиб, аҳоли манзилларини яшил ҳудудларга айлантириш, атроф-муҳит мусаффолигини таъминлаш ва вилоятда экологик ҳолатни янада яхшилашга хизмат қилади.

Вилоят ҳокимининг матбуот хизмати, 2026-11-18, 20:26 66
Сўнгги янгиликлар
Мавзуга оид янгиликлар


Газетанинг янги сони
Хамкорлар
Газета тарихи Давлат хариди Тахририят
Манзилимиз: 160000, Шимкент шаҳри, Тауке хан шоҳкўчаси, 6-уй, 3-қават.
Газета ҚР Маданият ва ахборот вазирлиги томонидан 2020 йил 21 апрелда рўйхатга олиниб, KZ34VPY00022503 гувоҳнома берилган.
Муассис--Туркистон вилояти хокимлиги.
Ношир--"Жанубий Қозоғистон"вилоят ижтимоий-сиёсий газетаси таҳририяти масъулияти чекланган биродарлиги.
©Нашримиздан кўчириб босилганида "Жанубий Қозоғистон газетасидан олинди", манбага юкланиши шарт. Ахборотдан парча олинганда ҳам ҳавола келтирилиши шарт. Ёзма рухсат берилмаса,материалларни тижоравий мақсадларда қўлланиш ман этилади. Барча ҳуқуқлар ҳимояланган.
©Мулк эгаси-"Жанубий Қозоғистон"газетаси.