Учрашувда Қозоғистон Миллий олимпия қўмитаси ва ХОҚ ўртасидаги ўзаро ҳамкорлик истиқболлари муҳокама қилинди. 

Президент Халқаро Олимпия қўмитасининг Олимпия ўйинлари қадриятларини тарғиб этиш ва спортчиларни қўллаб-қувватлашдаги муҳим ролини таъкидлади. Давлат раҳбари мамлакат спорти ва халқаро ҳамкорликни ривожлантириш мақсадида ушбу ташкилот билан ҳамкорликни янада мустаҳкамлашга тайёрлигини маълум қилди ва оммавий спортни ривожлантириш миллий олимпия ҳаракатининг ажралмас қисми бўлиши кераклигини таъкидлади.

– Фуқароларимизни, айниқса ёшларимизни оммавий спортга жалб қилишнинг янги босқичида турибмиз. Ёшларни оммавий спортга жалб қилишни янги босқичга олиб чиқиш чора-тадбирлари кўрилмоқда. Таъбир жоиз бўлса, бу ҳаракатлар ўзининг ҳаётий фалсафаси, соғлом тараққиётга йўл очиши, ёшларнинг жисмоний ва маънавий қудратини ошириш, мамлакатда ҳамжиҳатлик, дўстлик руҳини мустаҳкамлашга хизмат қилиши билан тарихий аҳамият касб этади, – деди Президент. 

Кит МакКоннелл Қозоғистон спорт ҳамжамиятининг Олимпия ҳаракатини ривожлантиришга қўшган ҳиссасини юксак баҳолади. Шунингдек, терма жамоага халқаро мусобақаларда муваффақият тилади.