Шардара туманида қозоқ курашидан “Оңтустік Қазақстан” вилоят ижтимоий-сиёсий газетаси соврини учун ўтказилган анъанавий 62- турнир ниҳоясига етди.

Вилоят даражасида уюштирилган йирик беллашувда минтақанинг туман-шаҳарларидан 9та жамоа – 106 нафар полвон иштирок этди. Турли вазн тоифаларидаги ғолиблар ва совриндорлар аниқланиб, тақдирланди.

Турнир доирасида гиламда энг кучли полвонлар беллашиб, қозоқ курашининг нуфузи ва моҳиятини яна бир бор намоён этишди. Туяполвон беллашувида 18 нафар номзод омадини синади. Ғолиб спортчи шардаралик Қайсар Шамшидинов жорий йилги турнирнинг “Туяполвон” мақомига сазовор бўлиб, унга “Chevrolet Nexia” автомашинасининг калити топширилди. Иккинчи ўринни туркистонлик Бибарис Абдуғани, учинчи ўринни ўрдабасилик Мейирхан Бейсенали қўлга киритди.

Турнирнинг ёпилиш тантанасида Шардара тумани ҳокими Арман Қарсибаев, вилоят спорт ва жисмоний тарбия бошқармаси раҳбари Ғалимжан Худияров, шунингдек, газета бош муҳаррири Абай Балажан иштирок этди. Сўзга чиққанлар мусобақа аҳамиятига тўхталиб, қозоқ курашини миллий ва халқаро даражада тарғиб этиш, ёш авлодни ватанпаврварлик руҳида тарбиялашда мазкур тадбирнинг ўрни ўзгача эканлигини такъидлашди. Шунингдек, туман ҳокими Арман Қарсибаев анъанавий турнирнинг эстафетасини Ўтрор тумани ҳокимининг ўринбосари Айдўс Қулмахановга расмий равишда топширди.