Жанубий Қозоғистон вилоятида дала иш­­­­лари 97 фоиз бажа­рилган. Жор­­­ий йилда хўжаликларга дав­лат томонидан 55 минг тон­на минерал ўғит ва 27 минг тон­­­­на­­­­­дан зиёд ёнил­ғи берилган. Бу­­­­­­­ни вилоят ҳо­­­­­­­­­­кими Жансейит Туй­­­мебаев Мақ­­таарал ту­­­манига иш сафари чоғида деҳқонлар билан суҳбатда маълум қилди.

Минтақа раҳбари даст­лаб Азаттиқ аҳоли ман­зилидаги “Қанат” деҳқон хўжалиги фаолияти билан танишди.

Хўжалик раҳбари Ма­рат Мирзах­­­­­­­­­­­­­­метовнинг айтишича, ўтган йили 1 гектар иссиқхонадан 75 тонна помидор, 3,5 гектар ердан 125 тонна полиз маҳсулоти йиғиштириб олганини, 8 кишини иш билан таъминлаб, жорий йилда ҳам помидор,  ош­қовоқ етиштираётганини маълум қилди.

Деҳқонлар билан суҳбат чоғида минтақа раҳбари алмашлаб экишни қўллаш ҳамда суғормали ер майдонини кенгайтириш зарур­лигини таъкидлади.

– Қишлоқ хўжалиги экинларини 833,1 минг гектарга экиш режаланган бўлса, бугунги кунда унинг 97 фоизидан фойда­ла­нил­моқда. Бизнинг мин­тақага баҳор эрта ке­лиши боис, лалмикор экин­лар ҳосилининг 136,4 минг тоннаси Россия, Бе­лорус давлатлари ва рес­публиканинг шимолий минтақаларига жўнатилди. Шундан 38,5 минг тоннаси Мақтаарал туманида етиштирилади, – деди вилоят ҳокими.

Минтақа раҳбари ту­ман ҳокимига қиш­­лоқ хўжалигини суб­сидия­лашнинг барча йўна­­лишларини автомат­лаш­тириш бўйича ҚР Қишлоқ хўжалиги вазирлиги то­монидан ҳозирланган экин майдон­ларининг электрон харитасига 1 июлгача барча экинзорлар киритилишини назорат қилиб туришни топширди.