Туркистон шаҳрида Ўзбекистоннинг “Шарқ юлдузи” журнали таҳририяти ходимлари ва муаллифлари билан ижодий учрашув ўтди, дея хабар беради Kazinform Ўзбекистон Ёзувчилар уюшмаси ахборот хизматига таяниб.

Туркистон шаҳар ўзбек этномаданият бирлашмаси раиси Баҳодир Ирисметов таклифи ва ташаббуси билан ўтказилган учрашувда журнал бош муҳаррири, шоир Сирожиддин Рауф, адабиёт бўлими мудири, шоир Муҳаммад Исмоил, фаол муаллифлар Аҳмаджон Отажонов, Шокир Султонқулов, Шомирза Мадалиев, Эргаш Иметов, фан доктори, профессор Зарифбой Ибодуллаев, ёзувчи Аҳмад Нур, фан доктори Неъматулла Худойберганов, фан номзоди Фарҳод Шомуродов, хоразмлик ҳушовоз бахши Ферузбек Норматов иштирок этди.

Тадбирда ўзбек ва қозоқ халқлари аслида илдизи, ўзаги бир оға-ини эканлиги таъкидланди. “Шарқ юлдузи” журнали ижодкорлари билан Туркистон шаҳридаги олий ўқув юртлари, мактабларда ижодий учрашувлар ўтказиш борасида келишилди. Маънавий-маърифий тадбир куй-қўшиқларга уланиб кетди.