– Маълумки, тарғибот-ташвиқот даврида вилоят маслаҳати депутати сифатида аҳоли билан тез-тез учрашиб, таклифларини тинглаб келмоқдаман. 

Ҳар бир таклиф, ҳар бир мурожаат мен учун муҳим ва уларни имкон қадар ҳал қилишга ҳаракат қиламан. Ана шундай учрашувлардан бирида сайловчилардан бири қишлоқ хўжалигини ривожлантириш, маданиятни юксалтириш учун йирик маблағ ажратилаётгани, қишлоқларда мактаблар, шифохоналар, маданият марказлари ва бошқа ижтимоий иншоотлар қурилаётгани, уларни қўллаб-қувватлаш юзасидан кенг кўламли чора-тадбирлар амалга оширилаётганини айтди. Лекин шунга қарамай, қишлоқда ишсизлик кўп, ёшларга ғамхўрлик ўз даражасида эмас. Шунинг учун қишлоқ ёшлари шаҳарга кетишмоқда, – деди у. – Биз қишлоқ ёшларининг долзарб муаммоларини ўрганиб, уларни ҳал қилиш йўлларини кўриб чиқмоқдамиз. Ёшлар бандлигини таъминлаш ва тадбиркорликка жалб қилиш юзасидан кенг қамровли ишларни амалга оширмоқдамиз.

Мамлакат раҳбари Қасим-Жўмарт Кемелули ўз сўзида “Мен қишлоқларни ривожлантириш концепциясини ишлаб чиқишни топширдим. Бу менинг Президентлик ваколатим бошланганидан кейинги биринчи Фармоним. Келгуси йил қишлоқ аҳолисининг фаровонлиги ва ҳаёт сифатини оширишга бағишланади. Концепцияни ишлаб чиқишда мутахассислар, деҳқонлар ва маҳаллий ижтимоий фаолларни жалб қилиш керак. Қишлоқ аҳолиси фаровонлигини оширишнинг мутлақо янги усуллари зарур”, деган эди. Жорий йилнинг ўзида “Ауыл аманаты” лойиҳасига 100 миллиард тенге ажратилди. 

Ҳа, яқин келажакда қишлоқ нафақат ривожланади, балки иқтисодиётимизнинг асосий таянчига айланади.