Вилоят ҳокимлиги қошидаги уюшган жиноятчиликка қарши ҳаракат масалалари бўйича комиссиянинг навбатдаги мажлиси ўтди.

Унда вилоят ҳокими Дархан Сатибалди, ҚР Уюшган жиноятчиликка қарши ҳаракат агентлигининг вилоят департаменти раҳбари М. Тўлеубаев, ҳуқуқ-тартибот органлари раҳбарлари, бошқарма бошлиқлари ҳамда туман, шаҳар ҳокимлари видеоалоқа орқали иштирок этди.

Кун тартибида 6та масала муҳокама қилинган мажлисда минтақа раҳбари элга виждонан хизмат этишнинг муҳимлигини таъкидлади.

– Ҳар бир муассаса раҳбари ўзи бошқарадиган жамоада уюшган жиноятчиликнинг олдини олиш йўналишида тизимли ишлар юритиши лозим. Халқ манфаатига йўналтирилган ҳар қандай маблағ юрт фаровонлиги йўлида сарфланиши керак. Таълим ва бошқа соҳалардаги масалалар доимий назоратимизда, – деди вилоят ҳокими Д. Сатибалди.

Вилоят ҳудудида обикор ерларни 2020-2023 йилларда давлат эҳтиёжи учун ва махсус захирага олиш ҳаракатларига доир уюшган жиноятчиликка қарши олиб борилган ташқи таҳлил натижаси баён қилинди.

Бундан ташқари, ҚР Уюшган жиноятчиликка қарши ҳаракатлар агентлигининг вилоят бўйича департаменти Огоҳлантириш бошқармаси раҳбари ўринбосари С. Асилбек вилоят таълим бошқармасининг 2020-2023 йиллар оралиғидаги натижаларга тўхталди. 

 Вилоят таълим бошқармаси раҳбари вазифасини вақтинча бажараётган А. Садиқова соҳада учрайдиган уюшган жиноятчилик ҳолатларини камайтириш мақсадида Туркистон, Кентов шаҳарлари ва Тулкибош туманидаги ўрта таълим муассасаларида “Бұлтты бухгалтерия” дастури қалдирғоч лойиҳа сифатида жорий қилинишини таъкидлади.