Туркистон вилоятида узунлиги 152 чақиримли “Дарбаза – Мақтаарал” янги темирйўл қурилиши бошланди. ҚР Бош вазири Алихан Смайилов телекўприк тартибида қурилиш ишини расмий равишда бошлаб берди. Муҳим аҳамиятга эга тадбирда вилоят ҳокими Дархан Сатибалди, темирйўл соҳаси вакиллари ҳам иштирок этди.

Йирик инфратузилмавий лойиҳа Давлат раҳбари Қасим-Жўмарт Тўқаевнинг топшириғига биноан амалга оширилмоқда ва у республикамизнинг транспорт-транзит салоҳиятини янада ривожлантиришга йўналтирилган. Унинг доирасида қозоқ-ўзбек давлат чегарасида янги ўтказиш бекати очилади.

Янги темирйўл тармоғини қуриш амалдаги “Сариоғоч – Тошкент” участкасидан юкларни янги тармоққа қайта йўналтириш, “Сариоғоч” станциясининг юкламасини камайтириш ҳамда Ўзбекистон йўналишидаги экспорт юклар ҳажмини кўпайтириш имконини беради. Шунингдек, лойиҳа Туркистон вилоятининг республиканинг асосий темирйўл тармоғига қўшилиши ҳисобидан унинг ривожига ижобий таъсир кўрсатади.

Бош вазир ўз нутқида Қозоғистонда яна бир муҳим жараён амалга оширилаётганини алоҳида таъкидлади.

Янги темирйўл қурилиши 3400 иш ўрни яратиш имконини беради. 

Қурилиш бошлангач, Бош вазир лойиҳага муваффақият тилаб, уни сифатли ижросини таъминлаб, белгиланган муддатда ниҳоялашни топширди.