Оқсувкент қишлоғидаги 7-сонли Бобур номли мактабда “Аралаш мактабларда давлат тилини ўқитиш сифатини оширишнинг мазмун-моҳияти” мавзуида тадбир ўтди.

Уни туман таълим бўлимининг услубият кабинети мудираси Г. Нуртанова очиб, бугунги кунда аралаш мактабларда давлат тилини ўқитиш борасида амалга оширилаётган ишларга тўхталди. 

– Туманда 98та мактаб, 103та мактабгача таълим муассасалари мавжуд. Аралаш мактаблар сони – 78та. Бугунги кунда асосий эътибор давлат тилини ўқитиш сифатини яхшилашга қаратилмоқда, – деди у. 

Тадбирда Сайрам туман жамоатчилик кенгаши ва “Қозоқ тили” жамияти туман филиалининг раиси М. Есалиев, туман таълим бўлимининг мактабгача таълим ҳамда тарбия бўйича услубиятчиси Қ. Сарманова, М. Ауезов номли мактаб директорининг мослашувчан ўқитиш бўйича ўринбосари М. Давлатова, Бобур номли мактаб директорининг тарбиявий ишлар бўйича ўринбосари М. Тўйчиева, туман “Мартўбе” газетаси муҳаррири Н. Тўремуратов, таниқли шоир А. Бекбўлатули, “Sairam tv” телеканали мухбири Данат Балқибекули, “Жанубий Қозоғистон” вилоят газетасининг Сайрам тумани бўйича махсус мухбири З. Мўминжонов иштирок этиб, давлат тилини ўқитиш сифатини ошириш масаласига оид фикр-мулоҳазаларини баён этдилар.